Bisogna proprio dir che la gelosia
quando che la regna la è an turbine, na malatia
na dannata rivoluzion che la manda par tera
fameie, laoro, salute : in poche parole la vita intiera.
Voi contarve un fato che ho vivest mi de persona.
Avee na amiga, brava moglie de fameia bona
che dala malatia de cui se parla la era imposesada
e cusì bestialmente e totalmente indemoniada
da render la vita grama a tuti, parenti, amici e a ela stessa.
Al so om, par la gelosia , na domenega dopo messa
al ha ciapà da ela na tal bota su la testa da eser ricoverà
all’ospedal dove che mi, per evitar ogni question,
ho dichiarà che la era stata la sponda del so camion
a cascarghe ados e lo stes ho dovest testimoniar
ai carabinieri mandadi a casa dall’ospedal par indagar.
Ma al colmo de tuta la question al vien pi avanti, ecco cosa che è successo
L’amigo-marito purtropo al è mort doven e mi, a un mese dal decesso
son ndat co la vedova in cimitero e stee in silenzio totale
davanti a na longa fila de loculi, ma senti al caso madornale!
Son là serio e riverente di fronte a la fotografia e ale parole
stampade sul marmo, quando piangendo l’amiga gelosa la me fa:
Marcelo ma notu vet gnent? Ma veramente no tu vet, no tu ragiona!
Mi no trovee proprio nessuna stranezza mentre che ela, tut altro che bona
e ancora na olta rabiada: ma come fatu Marcelo a no renderte cont
che proprio, proprio sora a me marì