I PERI MARZI
In tempo de guera mi ere picenin
ma me ricorde ben del me giardin
del nostro ort, in figur del nostro teren
e del cortivo dove che vivea ben
galine, cunici e anca in te le colombere
i colombin, la meio parte de le povere
magnade fate co quel che era de nostra produzion
parche quel poc che in botega se comprea
co la tessera, semplicemente schifo al fea
Drio la casa se avea an perer gigante
co fruti che i ne bastea prima, dopo e durante
l’inverno parchè se li metea in sofita
sparsi su le canete de na grisioleta.
Quando che se avea fini la polenta de magnar
mi avee l’incarico de la fruta procurar
Ben deciso me popà al me dea na dritta:
Senza sbagliar mai, và a tor peri in sofitta
e scegli quei an poc marzi in modo tal
da no aver mai fruti ndati a mal
e che ne toca par forza butar nela spazatura
Mi me ricorde che quando che ere davanti alla natura
de longhe file de peri bei, maturi, giallo oro
squisito e pronto da gustar , an vero tesoro
restee a boca verta pensando che viceversa
questa l’era sol che na speranza persa
parchè noaltri sol che quei marzi se podea aver
An bel di me ho fat coraio e ho dit al me pensier
Popà ma ma parche noaltri dovone meterse in mente
che sempre peri marzi dovon magnar e assolutamente
mai e poi mai quele bele pere mature e apetitose
parche inveze bisogna spetar e asar che le se imarzise
La risposta la era logica: Par no butar via mai roba
utile e sopratuto quela sacra come al magnar
pensando a quei che i tira cinghia fin a crepar:
l’è solo questo che porta a miglorar la vita de l’on
A sto punto no pol proprio mancar al paragon
col di d’en co: se buta via tanta roba da magnar, vestiari
scarpe ma anca elettrodomestici, atrezzi e e machinari
No voria che andando avanti de sta spece
no se finise par cambiar trope robe vece
ben convinti che costa manco comprar novo
al è tut chiaro come de colombo l’uovo.
Ghe né an problema che “fata la regola , la legge
trovato l’inganno” che vol dir partir come schegge